எச்சரிக்கையூட்டும் 🛑 நபிமொழிகள் ✨️

 எச்சரிக்கையூட்டும்  🛑  நபிமொழிகள் ✨️

பிதத்கள் வழிகேடாகும் 

கருத்துக்களில் சிறந்தது அல்லாஹ்வின் வேதம் ஆகும் வழிகாட்டலில் சிறந்தது முஹம்மதின் வழிகாட்டல் ஆகும் செயல்களில் தீயவை புதிதாக உண்டாக்கட்படுபவை. ஒவ்வொரு புதுமையும் வழிகேடே” என்று அல்லாஹ்வின் தூதர் (ஸல்) அவர்கள் கூறுவார்கள். 

அறிவிப்பவர்: ஜாபிர் பின் அப்துல்லாஹ் (ரலி)

நூல்: முஸ்லிம்-1573

தாம் விரும்பும் ஒன்றே பிறருக்கும் விரும்புதல் 

நபி (ஸல்) அவர்கள் கூறினார்கள்: தாம் விரும்புவதையே தம் சகோதரனுக்கும் விரும்பாத வரை ஒருவர் இறைநம்பிக்கை கொண்டவர் ஆகமாட்டார். 

அறிவிப்பவர்: அனஸ் (ரலி)

நூல்: புகாரி-13, முஸ்லிம் 71

வியாபாரத்தில் சத்தியம் செய்தல் 

அல்லாஹ்வின் தூதர் (ஸல்) அவர்கள் கூறினார்கள்: 

வியாபாரத்தில் அதிகம் சத்தியம் செய்ய வேண்டாம் என உங்களை எச்சரிக்கிறேன், அது விற்க உதவும், பின்னர் அழித்துவிடும்

அறிவிப்பவர்: அபூ கத்தாதா (ரலி)

நூல்: முஸ்லிம்-3284

பாதிக்கப்பட்டவரின் பிரார்த்தனை  

அல்லாஹ்வின் தூதர் (ஸல்) அவர்கள் கூறினார்கள்: 

அநீதி இழைக்கப்பட்டவனின் பிரார்த்தனைக்கு பயந்து கொள்ளும். ஏனெனில் அவனுக்கும் இறைவனுக்கும் மத்தியில் எந்தத் திரையுமில்லை.’

அறிவிப்பவர்:  இன்னு அபாஸ் (ரலி)

நூல்: புகாரி-

மோசடி செய்பவன் 

அபூஹுரைரா (ரலி) அவர்கள் கூறியதாவது:

அல்லாஹ்வின் தூதர் (ஸல்) அவர்கள் ஓர் உணவு(தானிய)க் குவியலைக் கடந்து சென்றார்கள். (விற்பனைக்காக வைக்கப்பட்டிருந்த) அந்தக் குவியலுக்குள் தமது கையை அவர்கள் நுழைத்தார்கள். அப்போது (தானியக் குவியலில் இருந்த) ஈரம் அவர்களின் விரல்களில் பட்டது. உடனே அவர்கள் “உணவு (தானியத்தின்) உரிமையாளரே! என்ன இது (ஈரம்)?” என்று கேட்டார்கள்.

அதற்கு அவர், “இதில் மழைச்சாரல் பட்டுவிட்டது, அல்லாஹ்வின் தூதரே!” என்றார். அப்போது அவர்கள், “ஈரமானதை மக்கள் பார்க்கும் விதமாக உணவு (தானியத்து)க்கு மேலே வைத்திருக்கக் கூடாதா?” என்று கேட்டுவிட்டு, “மோசடி செய்தவர் என்னைச் சார்ந்தவர் அல்லர்” என்று கூறினார்கள்.

அறிவிப்பவர் : அபூஹுரைரா (ரலி)

நூல் : முஸ்லிம்-164

உலகத்தின் மோகம்

அல்லாஹ்வின் மீதாணையாக! என(து இறப்பு)க்குப் பின்னால் நீங்கள் இணைவைப்பார்களாக ஆகி விடுவீர்களோ என்று நான் அஞ்சவில்லை. எனினும் நீங்கள் உலகத்திற்காக ஒருவரோடொருவர் போட்டி போடுவீர்களோ என்றே நான் அஞ்சுகிறேன்’ என்று கூறினார்கள்.

அறிவிப்பவர் : உக்பா (ரலி)

நூல் : புகாரி-3596

நபிகளாரை நேசித்தல் 

‘உங்களில் ஒருவருக்கு அவரின் தந்தை, அவரின் குழந்தைகள், ஏனைய மக்கள் அனைவரையும் விட நான் மிக அன்பானவராகும் வரை அவர் (உண்மையான) இறைநம்பிக்கையாளராக மாட்டார்’ என்று இறைத்தூதர்(ஸல்) அவர்கள் கூறினார்கள். 

அறிவிப்பவர் : அனஸ்(ரலி) 

நூல் : புகாரி-15

தொல்லை தராதீர் 

அபூ ஷுரைஹ்(ரலி) அறிவித்தார். 

‘அல்லாஹ்வீன் மீதாணையாக! அவன் இறைநம்பிக்கை கொள்ளவில்லை. அல்லாஹ்வின் மீதாணையாக! அவன் இறைநம்பிக்கை கொள்ளவில்லை. அல்லாஹ்வின் மீதாணையாக அவன் இறைநம்பிக்கை கொள்ளவில்லை’ என்று (மூன்று முறை) இறைத்தூதர்(ஸல்) அவர்கள் கூறினார்கள். ‘அவன் யார்? இறைத்தூதர் அவர்களே!’ என்று கேட்கப்பட்டது. அதற்கு நபி (ஸல்) அவர்கள் ‘எவனுடைய நாசவேலைகளிலிருந்து அவனுடைய அண்டை வீட்டார் பாதுகாப்பு உணர்வைப் பெறவில்லையோ அவன்தான்’ என்று பதிலளித்தார்கள்.

அறிவிப்பவர் : அபூ ஷுரைஹ்(ரலி) 

நூல் : புகாரி-6016

சலாத்தை பரப்புவோம் 

அல்லாஹ்வின் தூதர் (ஸல்) அவர்கள் கூறினார்கள்:

நீங்கள் இறைநம்பிக்கை கொள்ளாதவரையில் சொர்க்கத்தில் நுழைய முடியாது. நீங்கள் ஒருவரை ஒருவர் நேசிக்காதவரை (முழுமையான) இறைநம்பிக்கையாளராக முடியாது. ஒன்றை உங்களுக்கு நான் அறிவிக்கட்டுமா? அதை நீங்கள் செயல்படுத்தினால் ஒருவரை ஒருவர் நேசம் கொள்ளலாம். உங்களிடையே சலாத்தைப் பரப்புங்கள்.

அறிவைப்பவர் : அபூஹுரைரா (ரலி)

நூல் : முஸ்லிம்-93

 

சகோதரத்துவம் 

 

ஜரீர் பின் அப்தில்லாஹ் (ரலி) அவர்கள் கூறியதாவது:

“விடைபெறும்” ஹஜ்ஜின்போது (உரை நிகழ்த்திக்கொண்டிருக்கையில்) நபி (ஸல்) அவர்கள் என்னிடம், “மக்களை மௌனமாக இருக்கச் சொல்லுங்கள்!” என்று கூறிவிட்டு, “எனக்குப் பின்னால் உங்களில் ஒருவர் மற்றவரின் கழுத்தை வெட்டி மாய்த்துக்கொள்ளும் இறைமறுப்பாளர்களாய் மாறிவிடாதீர்கள்” என்று கூறினார்கள்.

அறிவிப்பவர் : ஜரீர் (ரலி) 

நூல் : முஸ்லிம்-118, புகாரி-121 

அல்லாஹ் சபிக்கும் செயல்கள் 

“தன் தந்தையைச் சபித்தவனை அல்லாஹ் சபிக்கின்றான். அல்லாஹ் அல்லாத மற்றவர் பெயரில் (பிராணிகளை) அறுத்தவனை அல்லாஹ் சபிக்கின்றான். (மார்க்கத்தில் இல்லாத) புதிய விஷயங்களை (மார்க்கத்தின் பெயரால்) உருவாக்கியவனுக்கு அடைக்கலம் அளித்தவனை அல்லாஹ் சபிக்கின்றான். பூமியின் (எல்லைக்கல்,மைல் கல், வரப்பு உள்ளிட்ட) அடையாளங்களை மாற்றியமை(த்து பிறர் நிலத்தை அபகரி)ப்பவனை அல்லாஹ் சபிக்கின்றான்” என்று கூறினார்கள்.

அறிவப்பவர் : அலீ (ரலி) 

நூல் : முஸ்லிம்-4001

விளையாட்டு வினையாகும் 

இறைத்தூதர்(ஸல்) அவர்கள் கூறினார்கள்’

நீங்கள் உங்கள் சகோதரரை நோக்கி ஆயுதத்தைக் காட்டி சைகை செய்யவேண்டாம். ஏனெனில், உங்களுக்குத் தெரியாமலேயே ஷைத்தான் உங்கள் கையிலிருந்து அதைப் பிடுங்கி (சகோதரர் மீது தாக்குதல் நடத்தி) விடக்கூடும். அதனால் நீங்கள் நரகத்தில் வீழ்ந்துவிடக் கூடும்.

அறிவப்பவர் : அபூ ஹுரைரா(ரலி)

நூல் : புகாரி-7072, முஸ்லிம்-5103

கோள் சொல்கிறவன்

‘கோள் சொல்கிறவன் சொர்க்கம் செல்லமாட்டான்’ என்று நபி(ஸல்) அவர்கள் கூற கேட்டுள்ளேன் என்று கூறினார்கள்.

அறிவப்பவர் : ஹுதைஃபா (ரலி) 

நூல் : புகாரி-6056

உறவினரின் உறவே அல்லாஹ்வின் உறவு

நாம் இரவில் எழுந்து தொழுவது முதல் அனைத்து விதமான வணக்கங்களையும் செய்வதற்கான காரணமே அல்லாஹ்வின் உறவைப் பெறுவதற்காகத் தான். அதன் மூலம் அவனது அன்பை, உதவியைப் பெறுவதற்காகத் தான். நாம் உறவினரின் உறவைத் துண்டித்து விடும் போது அல்லாஹ்வின் அருள் அறுந்து போய் விடுகின்றது. அவனது உதவி துண்டிக்கப்பட்டு விடுகின்றது.

நபி (ஸல்) அவர்கள் கூறினார்கள்:

அல்லாஹ் படைப்புகளைப் படைத்து முடித்த போது, உறவானது எழுந்து அன்பாளன் அல்லாஹ்வின் அரியாசனத்தின் கால்களில் ஒன்றைப் பற்றியது. அப்போது அல்லாஹ், “என்ன?” என்று கேட்டான். அதற்கு உறவு, “உறவுகளைத் துண்டிப்பதிலிருந்து உன்னிடம் பாதுகாப்பு கோரி நிற்கின்றேன்” என்று கூறியது. “உன்னை (உறவை) பேணி நல்ல முறையில் நடந்து கொள்பவருடன் நானும் நல்ல முறையில் நடந்து கொள்வேன் என்பதும் உன்னைத் துண்டித்து விடுகின்றவரை நானும் துண்டித்து விடுவேன் என்பதும் உனக்குத் திருப்தியளிக்கவில்லையா?” என்று கேட்டான். அதற்கு உறவு, “ஆம், என் இறைவா” என்று கூறியது. அல்லாஹ், “இது உனக்காக நடக்கும்” என்று கூறினான்.

அல்லாஹ்வின் தூதர் (ஸல்) அவர்கள், “நீங்கள் புறக்கணித்து பூமியில் குழப்பம் ஏற்படுத்தவும், உங்கள் உறவுகளை முறிக்கவும் முயல்வீர்களா?” என்ற (47:22) வசனத்தை நீங்கள் விரும்பினால் ஓதிக் கொள்ளுங்கள் என்று கூறினார்கள்.

அறிவிப்பவர்: அபூஹுரைரா (ரலி)

நூல்: புகாரி-5987

அழகிய நடைமுறை 

யார் இஸ்லாத்தில் ஓர் அழகிய நடைமுறையை உருவாக்குகிறாரோ அவருக்கு அதற்குரிய நன்மையும் அவருக்குப் பின் அதன் படி செயல்படுபவர்களின் நன்மையும் உண்டு அவர்களது நன்மையில் எதுவும் குறைந்துவிடாது. யார் இஸ்லாத்தில் ஒரு தீய நடைமுறையை உருவாக்குகிறாரோ அவருக்கு அதன் பாவமும் அவருக்குப் பின் அதன்படி செயல்படுபவர்களின் பாவமும் உண்டு அவர்களின் பாவத்திலிருந்து எதுவும் குறைந்துவிடாது” என்று அல்லாஹ்வின் தூதர் (ஸல்) அவர்கள் கூறினார்கள்

அறிவிப்பவர்: ஜரீர் பின் அப்துல்லாஹ் (ரலி)

நூல்: முஸ்லிம்-1848

நபிமொழி-37

சமநீதி 

உங்களுக்கு முன்னால் வாழ்ந்த மக்கள் அழிந்து போனதற்குக் காரணம், அவர்களில் உயர் குலத்தவர் திருடிவிட்டால் அவரை விட்டு விடுவார்கள். அவர்களிலுள்ள எளியவர்கள் திருடிவிட்டால் அவர்களை தண்டிப்பார்கள். எனது உயிர் எவன் கையிலுள்ளதோ அவன் மீது சத்தியமாக! முஹம்மது (ஆகிய எனது) மகள் பாத்திமா திருடியிருந்தாலும் அவரது கையையும் நான் வெட்டி இருப்பேன்” என நபி (ஸல்) அவர்கள் கூறினார்கள்

அறிவிப்பவர்: ஆயிஷா (ரலி)

நூல்: புகாரி-4304, முஸ்லிம்-3486

சந்தேகமானதை விடுவோம்

அல்லாஹ்வின் தூதர் (ஸல்) அவர்கள் கூறினார்கள்:

அனுமதிக்கப்பட்டதும் தெளிவாக உள்ளது. தடுக்கப்பட்டதும் தெளிவாக உள்ளது இவ்விரண்டிற்கும் இடையில் சந்தேகத்திற்குரியவை (சில) இருக்கின்றன. மக்களில் அதிகமானோர் அதை அறிய மாட்டார்கள். எவர் சந்தேகத்திற்குரியதை தவிர்த்துக் கொள்கிறாரோ அவர் தமது மார்க்கத்தையும், மானத்தையும் காப்பாற்றிக் கொள்கிறார்: சந்தேகத்திற்குரியவற்றில் நுழைபவர் வேலி ஓரங்களில் (கால்நடைகளை) மேய்ப்பவரைப் போன்றவர் அவர் (பிறரது) வேலிக்குள்ளே நுழைந்துவிட நேரும்.

எச்சரிக்கை ஒவ்வொரு அரசனுக்கும் ஓர் எல்லை உண்டு, அல்லாஹ்வின் எல்லை அவனது பூமியில் அவன் தடை செய்தவையாகும் அறிந்து கொள்ளுங்கள்! உடலில் ஒரு சதைத் துண்டு உள்ளது அது சீராக இருந்தால் உடல் முழுவதும் சீராக இருக்கும் அது சீர்கெட்டுவிட்டால் முழு உடலும் சீர்கெட்டுவிடும் அறிந்துகொள்ளுங்கள்! அதுதான் இதயம் உள்ளது. 

அறிவிப்பவர்: நுஃமான் பின் பஷீர் (ரலி)

நூல்: புகாரி-52

அல்லாஹ் அலட்சியப்படுத்திய நபர் 

அல்லாஹ்வின் தூதர் (ஸல்) அவர்கள் பள்ளியில் மக்களுடன் அமர்ந்திருந்த போது மூன்று பேர் வந்தனர். அவர்களில் இருவர் அல்லாஹ்வின் தூதர் (ஸல்) அவர்களை நோக்கி வந்தனர் மற்றொருவர் திரும்பிச் சென்று விட்டார். அல்லாஹ்வின் தூதர் (ஸல்) அவர்களின் முன்னால் வந்த அவ்விருவரில் ஒருவர் அந்த அவையில் ஒரு இடைவெளியைக் கண்டு அதில் அமர்ந்து கொண்டார். மற்றவரோ அவையினருக்குப் பின்னால் அமர்ந்து கொண்டார்.

அல்லாஹ்வின் தூதர் (ஸல்) அவர்கள் முடித்ததும் இம்மூவரைப் பற்றி உங்களுக்குச் சொல்லட்டுமா? அவர்களில் ஒருவர் அல்லாஹ்வின் பக்கம் ஒதுங்கினார். அல்லாஹ்வும் அவரை அரவணைத்துக் கொண்டான். மற்றவரோ வெட்கப்பட்டு (பின்னால் உட்கார்ந்து) விட்டார். அல்லாஹ்வும் வெட்கப்பட்டுக் கொண்டான். மூன்றாமவரோ அலட்சியப் படுத்தினார். அல்லாஹ்வும் அவரை அலட்சியப் படுத்தி விட்டான்’ என்று கூறினார்கள். 

அறிவிப்பவர்: அபூ வாக்கித் (ரலி)

நூல்: புகாரி-66

உங்களை எச்சரிக்கிறேன்

அல்லாஹ்வின் தூதர் (ஸல்) அவர்கள் கூறினார்கள்:

இறுதிக் காலத்தில் எனது சமுதாயத்தில் சிலர் தோன்றுவார்கள். நீங்களோ உங்கள் முன்னோர்களோ கேள்விப் படாத செய்திகளை உங்களிடம் கூறுவார்கள். அவர்களை குறித்து உங்களை எச்சரிக்கிறேன். 

அறிவிப்பவர்: அபூ ஹுரைரா (ரலி)

நூல்: முஸ்லிம்-7

 

ஸஜ்தாவில் விரும்பிய துஆக்களைக் கேட்கலாம்

அல்லாஹ்வின் தூதர் (ஸல்) அவர்கள், “மக்களே, அறிந்து கொள்ளுங்கள்! ருகூவு அல்லது சஜ்தாவில் குர்ஆன் ஒத வேண்டாமென்று நான் தடை செய்யப் பட்டுள்ளேன். ருகூவில் வல்லமையும் மாண்பும் உடைய இறைவனை மகிமைப் படுத்துங்கள் சஜ்தாவில் அதிகம் பிரார்த்தியுங்கள். உங்கள் பிரார்த்தனை ஏற்கப்பட அது மிகவும் தகுதியானதாகும்” என்று (தம் இறுதி நாட்களில்) கூறினார்கள்

அறிவிப்பவர்: இப்னு அப்பாஸ் (ரலி)

நூல்: முஸ்லிம்-824

மோசடி செய்பவனின் மறுமை நிலை 

நபி (ஸல்) அவர்கள் கூறினார்கள் மோசடி செய்யும் ஒவ்வொருவனுக்கும் மறுமையில் ஒரு கொடி இருக்கும். அவனது மோசடியின் அளவுக்கு உயரமாக இருக்கும். அறிந்துகொள்ளுங்கள் மக்களுக்குத் தலைமைப் பொறுப்பை ஏற்று, மோசடி செய்தவனை விட மாபெரும் மோசடிக்காரன் வேறெவருமில்லை

அறிவிப்பவர்: அபூ சயீத் அல் குத்ரீ (ரலி)

நூல்: முஸ்லிம்-3579

வீடுகளில் நஃபிலான தொழுகைகளை நிறைவேற்றுதல் 

அல்லாஹ்வின் தூதர் (ஸல்) அவர்கள் கூறினார்கள்:

உங்க வீடுகளில் சில (நஃபிலான) தொழுகைகளை தொழுங்கள். வீடுகளை மண்ணறைகளாக ஆக்கி விடாதீர்கள்

அறிவிப்பவர்: இப்னு உமர் (ரலி)

நூல்: முஸ்லிம்-426, புகாரி 432

இரவில் தங்குதல் 

அல்லாஹ்வின் தூதர் (ஸல்) அவர்கள் கூறினார்கள்:

கவனத்தில் வையுங்கள்! கணவனில்லாத பெண்ணுடன் எந்த ஆணும் இரவில் தங்க வேண்டாம்; அவர் அவளை மணைந்து கொண்டவராகவோ மணக்க முடியாத) நெருங்கிய உறவினராகவோ இருந்தால் தவிர. 

அறிவிப்பவர்: ஜாபிர் (ரலி)

நூல்: முஸ்லிம்-4382

மறுமையில் மோசமான தகுதியுடையவன் 

நபி (ஸல்) அவர்கள் “எவனது அருவருப்பான பேச்சுக்களுக்கு பயந்து மக்கள் பதுங்குகிறார்களோ அவனே மறுமையில் அல்லாஹ்விடம் மோசமான தகுதியுடையவன்” என்று கூறினார்கள். 

அறிவிப்பவர்: ஆயிஷா (ரலி)

நூல்: முஸ்லிம்-5051, புகாரி-6054

மறுமையில் அல்லாஹ் பார்க்காத பேசாத நபர்கள் 

நபி (ஸல்) அவர்கள் கூறினார்கள்:

மூன்று பேர்களுடன் மறுமையில் அல்லாஹ் பேசவும் மாட்டான்; பார்க்கவும் மாட்டான் வாடிக்கையாளர் கொடுக்கும் விலையை விட அதிக விலை கொடுத்து வாங்கியதாக பொய் சத்தியம் செய்தவன். 2. (சந்தை கூடும் நேரமான) அஸருக்குப் பின் ஒரு முஸ்லிடைய செல்வத்தை அபகரிக்க பொய் சத்தியம் செய்தவன். 3. தன் தேவைக்கு மேல் உள்ள தண்ணீரை தடுத்தவன். (மறுமையில்) அவனை நோக்கி, ‘உன் கரங்கள் உருவாக்காத தண்ணீரில் மிஞ்சியதை மக்களுக்கு தடுத்ததைப் போல் இன்று எனது அருளிலிருந்து உன்னைத் தடுக்கின்றேன்’ என்று அல்லாஹ் கூறுவான். 

அறிவிப்பவர்: அபூ ஹுரைரா (ரலி)

நூல்: புகாரி-2369

அறியாமைக்கால செயல்கள் 

நபி (ஸல்) அவர்கள் கூறினார்கள்:

என் சமுதாயத்தில் உள்ள நான்கு செயல்கள் அறியாமைக் கால செயல்களாகும். மக்கள் அவற்றைக் கைவிட மாட்டார்கள். 1 குலப்பெருமை பேசுவது பரம்பரையைப் பழிப்பது, 3. கிரகங்களால் மழை பொழியும் என கருதுவது 4. ஒப்பாரி வைத்து அழுவது, ஒப்பாரி வைக்கும் பெண், தான் இறப்பதற்கு முன் பாவமன்னிப்புக் கோராவிட்டால் மறுமையில் தாரில் ஆன கீழாடையும் சொறி சிரங்குச் சட்டையும் அணிந்தவளாக எழுப்பப்படுவாள்

அறிவிப்பவர்: அபூ மாலிக் அல்அஷ்அரீ (ரலி)

நூல்: முஸ்லிம்-1700

பூமியில் புதைந்து போன மனிதர் 

நபி (ஸல்) அவர்கள் கூறினார்கள்:

(முன் காலத்தில்) ஒரு மனிதன் தற்பெருமையின் காரணத்தால் தன் கீழங்கியை இழுத்துக் கொண்டே நடந்தான், அவன் (பூமியில்) புதைந்து போனான் மறுமை நாள் வரை பூமிக்குள் அழுந்திக் கொண்டேயிருப்பான்.

அறிவிப்பவர்: இப்னு உமர் (ரலி)

நூல்: புகாரி-3485

தற்பெருமை 

நபி (ஸல்) அவர்கள் “யாருடைய உள்ளத்தில் அணுவளவு பெருமை இருக்கிறதோ அவர் சொர்க்கத்தில் நுழையமாட்டார் என்று கூறினார்கள்

அறிவிப்பவர்: இப்னு மஸ்ஊத் (ரலி)

நூல்: முஸ்லிம்-14

நரகவாசிகளின் குணம் 

நபி (ஸல்) அவர்கள் கூறினார்கள்:

சொர்க்கவாசிகள் யார் என்று உங்களுக்கு நான் தெரிவிக்கவா? அவர்கள் எளியவர்கள் பணிவானவர்கள். அவர்கள் அல்லாஹ்வின் மேல் ஆணையிட்டு கூறினால் அல்லாஹ் அதை நிறைவேற்றுவான். நரகவாசிகள் யார் என்று உங்களுக்கு நான் தொரிவிக்கவா? அவர்கள் இரக்கமற்றவர்கள்; உடல் கொழுத்தவர்கள், பெருமை அடிப்பவர்கள். 

அறிவிப்பவர்: ஹாரிஸா பின் 

மறுமையில் அல்லாஹ் பார்க்காத பேசாத நபர்கள் 

நபி (ஸல்) அவர்கள் கூறினார்கள்:

மூன்று பேர்களுடன் மறுமையில் அல்லாஹ் பேசவும் மாட்டான்; பார்க்கவும் மாட்டான் வாடிக்கையாளர் கொடுக்கும் விலையை விட அதிக விலை கொடுத்து வாங்கியதாக பொய் சத்தியம் செய்தவன். 2. (சந்தை கூடும் நேரமான) அஸருக்குப் பின் ஒரு முஸ்லிடைய செல்வத்தை அபகரிக்க பொய் சத்தியம் செய்தவன். 3. தன் தேவைக்கு மேல் உள்ள தண்ணீரை தடுத்தவன். (மறுமையில்) அவனை நோக்கி, ‘உன் கரங்கள் உருவாக்காத தண்ணீரில் மிஞ்சியதை மக்களுக்கு தடுத்ததைப் போல் இன்று எனது அருளிலிருந்து உன்னைத் தடுக்கின்றேன்’ என்று அல்லாஹ் கூறுவான். 

அறிவிப்பவர்: அபூ ஹுரைரா (ரலி)

நூல்: புகாரி-2369

அறியாமைக்கால செயல்கள் 

நபி (ஸல்) அவர்கள் கூறினார்கள்:

என் சமுதாயத்தில் உள்ள நான்கு செயல்கள் அறியாமைக் கால செயல்களாகும். மக்கள் அவற்றைக் கைவிட மாட்டார்கள். 1 குலப்பெருமை பேசுவது பரம்பரையைப் பழிப்பது, 3. கிரகங்களால் மழை பொழியும் என கருதுவது 4. ஒப்பாரி வைத்து அழுவது, ஒப்பாரி வைக்கும் பெண், தான் இறப்பதற்கு முன் பாவமன்னிப்புக் கோராவிட்டால் மறுமையில் தாரில் ஆன கீழாடையும் சொறி சிரங்குச் சட்டையும் அணிந்தவளாக எழுப்பப்படுவாள்

அறிவிப்பவர்: அபூ மாலிக் அல்அஷ்அரீ (ரலி)

நூல்: முஸ்லிம்-1700

பூமியில் புதைந்து போன மனிதர் 

 

நபி (ஸல்) அவர்கள் கூறினார்கள்:

(முன் காலத்தில்) ஒரு மனிதன் தற்பெருமையின் காரணத்தால் தன் கீழங்கியை இழுத்துக் கொண்டே நடந்தான், அவன் (பூமியில்) புதைந்து போனான் மறுமை நாள் வரை பூமிக்குள் அழுந்திக் கொண்டேயிருப்பான்.

அறிவிப்பவர்: இப்னு உமர் (ரலி)

நூல்: புகாரி-3485

தற்பெருமை 

நபி (ஸல்) அவர்கள் “யாருடைய உள்ளத்தில் அணுவளவு பெருமை இருக்கிறதோ அவர் சொர்க்கத்தில் நுழையமாட்டார் என்று கூறினார்கள்

அறிவிப்பவர்: இப்னு மஸ்ஊத் (ரலி)

நூல்: முஸ்லிம்-14

நரகவாசிகளின் குணம் 

நபி (ஸல்) அவர்கள் கூறினார்கள்:

சொர்க்கவாசிகள் யார் என்று உங்களுக்கு நான் தெரிவிக்கவா? அவர்கள் எளியவர்கள் பணிவானவர்கள். அவர்கள் அல்லாஹ்வின் மேல் ஆணையிட்டு கூறினால் அல்லாஹ் அதை நிறைவேற்றுவான். நரகவாசிகள் யார் என்று உங்களுக்கு நான் தொரிவிக்கவா? அவர்கள் இரக்கமற்றவர்கள்; உடல் கொழுத்தவர்கள், பெருமை அடிப்பவர்கள். 

அறிவிப்பவர்: ஹாரிஸா பின் வஹ்ப் (ரலி)

நூல்: புகாரி-6657

 

தற்கொலை செய்பவருக்குரிய தண்டனை 

அல்லாஹ்வின் தூதர் (ஸல்) அவர்கள் கூறினார்கள்:

கழுத்தை நெரித்துத் தற்கொலை செய்தவன் நரகத்திலும் தனது கழுத்தை நெரித்துக் கொண்டிருப்பான். ஆயுதத்தால் தாக்கித் தற்கொலை செய்தவன் நரகத்திலும் தன்னை ஆயுதத்தால் தாக்கிக் கொண்டிருப்பான். 

அறிவிப்பவர்: அபூ ஹுரைரா (ரலி)

நூல்: புகாரி-1365

நபி மீது பொய்யுரைப்பது 

நபி (ஸல்) அவர்கள் கூறினார்கள்:

என் மீது பொய் சொல்லாதீர்கள். என் மீது பொய்யுரைப்பவன் நிச்சயம் நரகத்தில் நுழைவான். 

அறிவிப்பவர்: அலீ (ரலி)

நூல்: புகாரி-106

உருவ படங்கள் 

அல்லாஹ்வின் தூதர் (ஸல்) அவர்கள், “உருவங்களைப் படைக்கும் அனைவருக்கும் நரகமே. அவன் படைத்த ஒவ்வோர் உருவத்திற்கும் அல்லாஹ் உயிர் கொடுப்பான். அந்த உருவம் அவனை நரகத்தில் வேதனை செய்யும்” என்றார்கள். “நீ வரைய வேண்டுமென்றால் மரங்கள், உயிரற்றவற்றின் படங்களை வரைந்துகொள்” என்றும் கூறினார்கள்.

அறிவிப்பவர்: இப்னு அப்பாஸ் (ரலி)

நூல்: முஸ்லிம்-4290, புகாரி-2225

பெண்களே! அதிகம் தர்மம் செயுங்கள் 

அல்லாஹ்வின் தூதர் (ஸல்) அவர்கள் “பெண்களே! தர்மம் செய்யுங்கள். நரகவாசிகளில் நீங்களே அதிகமாக எனக்குக் காட்டப்பட்டது” என்று குறிப்பிட்டார்கள். “அல்லாஹ்வின் தூதரே அது ஏன்” எனப் பெண்கள் கேட்ட போது, “நீங்கள் அதிகமாகச் சபிக்கிறீர்கள்; மன உறுதியிலும், அறிவிலும் சிறந்த ஆண்களின் புத்தியை, அறிவிலும் மார்க்கத்திலும் குறையுடைய நீங்கள் குழப்பி விடுவதை காண்கின்றேன்” என்று கூறினார்கள்.

அப்பெண்கள் மார்க்த்திலும் அறிவிலும் எங்களுடைய குறைபாடு என்ன அல்லாஹ்வின் தூதரே! என்று கேட்டார்கள். “பெண்களின் சாட்சியம் ஆண்களின் சாட்சியத்தில் பாதி இல்லையா” என்று நபி (ஸல்) அவர்கள் கேட்க, அப்பெண்கள், “ஆம்” என்றனர். அதற்கு நபி (ஸல்)அவர்கள், “அது அறிவில் அவளது குறையாகும்; மாதவிடாய் ஏற்படும் பெண் தொழுவதில்லை, நோன்பு நோற்பதில்லை அல்லவா என்று கேட்க, மீண்டும் அப்பெண்கள் ‘ஆம்” என்றனர். நபியவர்கள் அது மார்க்கத்தில் அவளது குறையாகும்” என்று கூறினார்கள். 

அறிவிப்பவர்: அபூ சயீத் அல் குத்ரீ (ரலி)

நூல்: புகாரி-304

நரகத்திலிருந்து  காப்பாற்றிக் கொள்ளுங்கள்

அல்லாஹ்வின் தூதர் (ஸல்) அவர்கள் கூறினார்கள்:

பேரீச்சும் பழத் துண்டை தர்மமாகி கொடுத்தாவது நரகத்திலிருந்து உங்களைக் காப்பாற்றிக் கொள்ளுங்கள். 

அறிவிப்பவர்: அதி பின் ஹாத்திம் (ரலி)

நூல்: புகாரி-1417

 

பிறருடைய நிலத்தை அபகரித்தல் 

அல்லாஹ்வின் தூதர் (ஸல்) அவர்கள் கூறினார்கள்:

பிறருடைய நிலத்தின் ஒரு பகுதியை அபகரித்துக் கொண்டவரின் கழுத்தில் (மறுமையில்) ஏழு பூமிகளை தொங்க விடப்படும்

அறிவிப்பவர்: சயீத் பின் ஸைத் (ரலி)

நூல்: புகாரி-2452

பூனைக்கு தீனி போடாததால் நரகம் சென்ற பெண்மணி 

ஒரு பெண் ஒரு பூனையால் தண்டிக்கப்பட்டாள். அந்தப் பூனை பசியால் துடித்துச் சாகும் வரை அடைத்து வைத்திருந்தாள் அதனால் அவள் நரகம் சென்றாள். அல்லாஹ்வே மிக அறிந்தவன் அதைக் கட்டி வைத்தாய். தீனி போடவில்லை; தண்ணீர் தரவில்லை பூமியிலுள்ள புழு பூச்சிகளை உண்பதற்கு அதை அவிழ்த்து விடவுமில்லை’ என்று அல்லாஹ் கூறினான்” என நபி (ஸல்) அவர்கள் கூறினார்கள்

அறிவிப்பவர்: இப்னு உமர் (ரலி)

நூல்: புகாரி-2365

தொழுகையின் முக்கியத்துவம்  

நபி (ஸல்) அவர்கள் கூறினார்கள்:

மனிதனுக்கும் இணைவைப்பு மற்றும் இறைமறுப்புக்கும் இடையே (உள்ள வேறுபாடு) தொழுகையை விடுவது தான்

அறிவிப்பவர்: ஜாபிர் பின் அப்தில்லாஹ் (ரலி)

நூல்: முஸ்லிம்-134

மண்ணறைக்குள் வேதனை செய்யப்பட்டு

கொண்டிருந்த இரண்டு நபர்கள் 

ரசூலுல்லாஹ் (ஸல்) அவர்கள் மதீனாவில் உள்ள தோட்டத்தைக் கடந்து சென்றார்கள். அப்போது, மண்ணறைக்குள் வேதனை செய்யப்பட்டுக் கொண்டிருந்த இருவருடைய ஒலத்தை உணர்ந்தார்கள். “இவ்விருவரும் வேதனை செய்யப்படுகிறார்கள் பெரிய செயலுக்காக இவர்கள் வேதனை செய்யப்படவில்லை ஆம்! ஒருவர், சிறுநீர் (அசுத்தத்தில்) இலிருந்து தன்னை காத்துக் கொள்ளாமலிருந்தார். இன்னொருவர் கோள் சொல்லி அலைந்து கொண்டிருந்தார்” என்ற நபி (ஸல்) அவர்கள் கூறினார்கள்

அறிவிப்பவர்: இப்னு அப்பாஸ் (ரலி)

நூல்: புகாரி-216

 

இறைநம்பிக்கையாளன் அல்லன்

 

விபச்சாரம் செய்யும் போது ஒருவன் இறைநம்பிக்கையாளனாக இருப்பதில்லை. திருடும் போது ஒருவன் இறைநம்பிக்கையாளனாக இருப்பதில்லை. மது அருந்தும் போது ஒருவன் இறை நம்பிக்கையாளனாக இருப்பதில்லை” என்று நபி (ஸல்) அவர்கள் கூறினார்கள். “மக்களின் செல்வத்தைக் கொள்ளையடிக்கும் போது ஒருவன் இறைநம்பிக்கையாளனாக இருப்பதில்லை” என்றும் அல்லாஹ்வின் தூதர் (ஸல்) அவர்கள் கூறினார்கள். 

அறிவிப்பவர்: அபூ ஹுரைரா (ரலி)

நூல்: புகாரி-2475, முஸ்லிம்-100,101,

பேசினால் நல்லதை மட்டும் பேசுவோம் 

நபி (ஸல்) அவர்கள் கூறினார்கள்:

அல்லாஹ்வையும் இறுதி நாளையும் நம்புபவர் நல்லதை பேசட்டும்; அல்லது வாய்மூடி இருக்கட்டும் அல்லாஹ்வையும் இறுதி நாளையும் நம்புபவர் தன் அண்டை வீட்டாரைக் கண்ணியப் படுத்தட்டும். அல்லாஹ்வையும் இறுதி நாளையும் நம்புபவர் தன் விருந்தினரைக் கண்ணியப்படுத்தட்டும். 

அறிவிப்பவர்: அபூ ஹுரைரா (ரலி)

நூல்: முஸ்லிம்-74, புகாரி 6018

இணைவைப்போருக்கு மாறு செய்யுங்கள்

நபி (ஸல்) அவர்கள் கூறினார்கள்:

இணைவைப்போருக்கு மாறு செய்யுங்கள். மீசையை ஒட்ட நறுக்குங்கள். தாடியை விட்டு விடுங்கள்.

அறிவிப்பவர்: இப்னு உமர் (ரலி)

நூல்: முஸ்லிம்-434

இறைமறுப்பில் சேர்க்கும் இரு குணங்கள் 

நபி (ஸல்) அவர்கள் கூறினார்கள்:

மக்களிடம் உள்ள இரு குணங்கள் இறை மறுப்பாகும்:

பரம்பரையைப் பழிப்பது

இறந்தவருக்காக ஒப்பாரி வைப்பது

அறிவிப்பவர்: அபூ ஹுரைரா (ரலி)

நூல்: முஸ்லிம்-121

தலை முடிக்குச் சாயம் பூசுதல் 

அல்லாஹ்வின் தூதர் (ஸல்) அவர்கள் கூறினார்கள்:

யூதர்களும் கிறிஸ்தவர்களும் (முடிக்கு) சாயம் பூசுவதில்லை. நீங்கள் அவர்களுக்கு மாறு, செய்யுங்கள்

அறிவிப்பவர்: அபூ ஹுரைரா (ரலி)

நூல்: புகாரி-3462

 

காவி இறைமறுப்பாளர்களின் ஆடை 

நான் இரு காவி நிற ஆடைகளை அணிந்திருப்பதைக் கண்டு இவை காபிர்களின் ஆடையாகும். இதை நீ அணியாதே என்று நபி (ஸல்) அவர்கள் சொன்னார்கள். 

அறிவிப்பவர்: அப்துல்லாஹ் பின் அம்ர் (ரலி)

நூல்: முஸ்லிம்-4218

திட்டுவது  பாவமாகும் 

அல்லாஹ்வின் தூதர் (ஸல்) அவர்கள் கூறினார்கள்:

இருவர் திட்டிக் கொள்ளும் போது முதலில் திட்ட ஆரம்பித்தவரே குற்றவாளி, அநீதி இழைக்கப்பட்டவர் வரம்பு மீறாத வரை. 

அறிவிப்பவர்: அபூ ஹுரைரா (ரலி)

நூல்: முஸ்லிம்-5446

நரகத்தில் அக்கிரமக்காரர்கள் நுழைவர்

சொர்க்கத்தில் அப்பாவிகள் நுழைவர்.

நரகமும் சொர்க்கமும் வாக்குவாதம் செய்துகொண்டன அக்கிரமக்காரர்களும் பெருமை அடிப்பவர்களும் எனக்குள் நுழைவார்கள்’ என்று நரகம் சொன்னது. ‘எளியவர்களும் ஏழைகளும் எனக்குள் நுழைவார்கள் என்று சொர்க்கம் சொன்னது என்று நபி (ஸல்) அவர்கள் கூறினார்கள்

அறிவிப்பவர்: அபூ ஹுரைரா (ரலி)

நூல்: முஸ்லிம்-5469

விளம்பரத்திற்காக செய்தல் 

 

நான் நபி (ஸல்) அவர்களுக்கு அருகில் சென்றேன். அப்போது அவர்கள், “யார் விளம்பரத்திற்காக நற்செயல் புரிகிறாரோ அவர் (உடைய நோக்கம்) பற்றி அல்லாஹ் (மறுமை நாளில்) விளம்பரப்படுத்துவான். யார் முகப்புகழ்ச்சிக்காக நற்செயல் புரிகிறாரோ அவரை அல்லாஹ் (மறுமை நாளில்) அம்பலப்படுத்துவான்” என்று கூறியதைக் கேட்டேன்.

அறிவிப்பவர்: ஜுன்துப் (ரலி)

நூல்: புகாரி-6499, முஸ்லிம்-570, 

சொர்கத்தின் வாடையைக் கூட நுகர மாட்டார்கள்

அல்லாஹ்வின் தூதர் (ஸல்) அவர்கள் கூறினார்கள்:

நரகவாசிகளில் இரு கூட்டத்தார் உள்ளனர். அவ்விரு கூட்டத்தாரையும் நான் பார்த்ததில்லை பசு மாட்டின் வாலைப் போன்ற சாட்டைகளைத் தம்மிடம் வைத்துக் கொண்டு மக்களை அடிக்கும் கூட்டத்தார் மெல்லிய உடை அணிந்து, தம் தோள்களைச் சாய்த்து நடந்து, கவனத்தை ஈர்க்கும் பெண்கள். சரிந்து நடக்கும், கழுத்து நீண்ட ஒட்டகத்தின் திமிலைப் போன்று அவர்களின் தலை இருக்கும். அவர்கள் சொர்க்கத்தில் நுழைய மாட்டார்கள்; அதன் வாடையைக் கூட நுகர மாட்டார்கள். சொர்க்கத்தின் நறுமணமோ இவ்வளவு இவ்வளவு தொலைவிலிருந்து வீசிக் கொண்டிருக்கும்

அறிவிப்பவர்: அபூ ஹுரைரா (ரலி)

நூல்: முஸ்லிம்-5487

 

குழப்புவது ஷைத்தானின் ஆயுதம்   

நபி (ஸல்) அவர்கள் கூறினார்கள்:

இப்லீஸின் சிம்மாசனம் கடலில் மீதுள்ளது. அவன் தன் படைகளை அனுப்பி மக்களிடையே குழப்பங்களை ஏற்படுத்துகிறான். இப்லீஸிடம் மிகவும் மரியாதைச் குரியவன் மக்களிடையே அதிக குழப்பம் செய்பவனே!

அறிவிப்பவர்: ஜாபிர் (ரலி)

நூல்: முஸ்லிம்-5418

தீமையின் வெளிப்பாடு 

தீமை என்பது உனது உள்ளத்தில் நெருடலை ஏற்படுத்தும் மக்கள் அதை தெரிந்து கொள்வதை நீ வெறுப்பாய்” என நபி (ஸல்) அவர்கள் கூறினார்கள்

அறிவிப்பவர்: நவ்வாஸ் பின் சம்ஆன் (ரலி)

நூல்: முஸ்லிம்-4992

சாபத்திற்குரிய இரு செயல்கள் 

நபி (ஸல்) “சாபத்திற்குரிய இரண்டை தவிர்த்திடுங்கள்” என்றனர் சாபத்திற்குரியவை என்ன? அல்லாஹ்வின் தூதரே” என மக்கள் கேட்டனர். “மக்களின் நடைபாதையிலோ, நிழல்களிலோ மலம் கழிப்பது” என நபி (ஸல்) அவர்கள் விடை அளித்தனர்

அறிவிப்பவர்: அபூ ஹுரைரா (ரலி)

நூல்: முஸ்லிம்-448

மூன்று நாட்களுக்கு மேல்

பேசாமல் இருக்க அனுமதி இல்லை 

நபி (ஸல்) அவர்கள் கூறினார்கள்:

இறைநம்பிக்கையாளர் மூன்று நாட்களுக்கு மேல் தன் சகோதரனிடம் பேசாமல் இருக்க அனுமதி இல்லை.

அறிவிப்பவர்: அப்துல்லாஹ் பின் உமர் (ரலி)

நூல்: முஸ்லிம்-5004

அல்லாஹ்வின் தூதர் (ஸல்) அவர்கள் கூறினார்கள்:

அநீதி இழைக்காதீர்கள். மறுமையில் அது பல இருள்களாகக் காட்சி தரும் கஞ்சத்தனம் செய்யாதீர்கள். உங்களுக்கு முன்னிருந்தவர்களை அது அழித்தது; இரத்தங்களைச் சிந்துவதற்கும், இறைவன் அவர்களுக்குத் தடை செய்ததை அவர்கள் ஆகுமாக்கிக் கொண்டதற்கும் தூண்டுகோலாக இருந்தது. 

அறிவிப்பவர்: ஜாபிர் பின் அப்தில்லாஹ் (ரலி)

நூல்: முஸ்லிம்-5034

 

உருவப்படம் 

உருவப் படம் உள்ள வீட்டிற்குள் வானவர்கள் நுழைய மாட்டார்கள் என்பதும், உருவப் படத்தை வரைந்தவன் மறுமை நாளில் வேதனை செய்யப்படுவான் என்பதும், நீ படைத்தவற்றுக்கு உயிர் கொடு’ என்று அல்லாஹ் சொல்வான் என்பதும் உனக்குத் தெரியாதா” என்று ஆயிஷா (ரலி) அவர்களிடம் நபி (ஸல்) அவர்கள் கேட்டார்கள்.

அறிவிப்பவர்: ஆயிஷா (ரலி)

நூல்: புகாரி-3224

துன்பம் தரும் வேதனை உண்டு

அல்லாஹ்வின் தூதர் (ஸல்) அவர்கள் கூறினார்கள்:

மறுமையில் மூன்று நபர்களிடம் அல்லாஹ் பேசவும் மாட்டான். அவர்களைத் தூய்மைப் படுத்தவும் மாட்டான். அவர்களுக்குத் துன்பம் தரும் வேதனையும் உண்டு.

விபச்சாரம் செய்யும் கிழவன்.

பொய் சொல்லும் ஆட்சியாளன்.

பெருமையடிக்கும் ஏழை.

அறிவிப்பவர்: அபூ ஹுரைரா (ரலி)

நூல்: முஸ்லிம்-172.

கவிதை

நபி (ஸல்) அவர்கள் கூறினார்கள்:

ஒருவனது வயிறு கவிதையால் நிரம்பி இருப்பதை விடப் புரையோடும் சீழ் சலத்தால் நிறைந்து இருப்பதே மேல். 

அறிவிப்பவர்: சஅத் (ரலி)

நூல்: புகாரி-654, முஸ்லிம் 4547

சகோதரத்துவம் 

ஒரு முஸ்லிம் மற்றொரு முஸ்லிமுக்குச் சகோதரர் ஆவார் அவர் தம் சகோதரருக்கு அநீதி இழைக்க வேண்டாம், துரோகம் இழைக்க வேண்டாம்., அவரைக் கேவலப்படுத்த வேண்டாம் இறையச்சம் இங்கே இருக்கிறது”. எனக் கூறி நெஞ்சை மூன்று முறை சுட்டிக் காட்டினார்கள் “சகோதர முஸ்லிமைக் கேவலப்படுத்துவது தீமைக்கு போதிய ஆதாரமாகும். ஒவ்வொரு முஸ்லிமுக்கும் மற்ற முஸ்லிம்களின் உயிர், பொருள். மானம் ஆகியவை தடை செய்யப்பட்டுள்ளது” என்று நபி (ஸல்) அவர்கள் கூறினார்கள்.

அறிவிப்பவர்: அபூ ஹுரைரா (ரலி)

நூல்: முஸ்லிம்-5010, புகாரி 544